ТЭНӦ ӦМӦЙ...


Тэнӧ ӧмӧй корсьыси да корлі?
Тэныд ӧмӧй силі сьӧлӧм мойд?
Енмыскӧд мӧй тэнсьыд мыгӧр сорлі?
Висьтав, шудӧй, сьӧлӧмӧс эн дойд.

Тэнӧ ӧмӧй виччыси сы дыра
Сикт сай ӧтка пелысьыскӧд тшӧтш?
Дзиръя дорын кевми, мед жӧ пыран.
Полі, мед оз сайӧд юлӧн кӧдж.

Тэнӧ ӧмӧй войвыв енэж вывсьыс
Зарни кодзув дзирднас чайтлі ме?
Тэнӧ ӧмӧй, зарнианӧй, тывсьыс,
Чери тывсьыс кутны кӧсйи век?

А тэ локтін — абу Ен ни зарни,
А тэ локтін, шудъяӧй, дзик мӧд.
Ывла вылас востымасис ар нин...
Ӧнӧдз тэысь донасӧ ог тӧд.