Ю САЙЫН


Ёна шлявгис да дышпырысь кобис,
Мурзіс-югъяліс, ӧні чӧв-лӧнь.
Мӧдлапӧлӧдзыс ю вомӧн собис
Ӧшкамӧшкалӧн визьяса вӧнь.

Тадз жӧ сьӧлӧмным ыпъявліс биын,
Радліс-чеччаліс, тайкӧ оз пот.
Кутлім лэбачӧс моз крепыд киын:
Полім, асьнымӧс тшӧтш мед оз сот.

Бисӧ зэрсьыс эг кужӧй ми дзебны —
Сідз и сулалім, кытчӧдз эз коб.
Эськӧ кӧсйи ме тэ дорӧ лэбны,
Сӧмын кокӧй тай весиг эз соб...