





АСЪЯ ГӦСТЬАсъя зэрыд — гӧсть.(Коми йӧзкостса шусьӧг).Ме асывбыд нин нинӧм дзик ог кер Да вӧрзьӧдчывтӧг ӧшинь водзын ола. Ӧд талун менам гӧстьӧй — асъя зэр, А дона гӧстьтӧ бура видзны колӧ. Ме медводз сыкӧд юкся, ола кыдз, Мый кар ни сикт оз ланьтӧд сьӧлӧм дойӧс. И сыкӧд вель дыр пукалам ми сідз Да мойдам ӧта-мӧдлы пемыд войӧдз, Мед пышйӧма кӧ важӧн югыд лун, И колис важӧн асъя зэрлӧн кадыс. Но синва сорӧн тшӧкта: эн на мун — Ӧд кутшӧм ӧта-мӧднымлы ми радӧсь.