* * *

Мый нӧ зӧркӧдчан ӧшиньӧ, пелысьӧй?
Мыйла жугласьӧм ки вылад вир?
Али сьӧлӧмыд, аръявыв тӧлысьӧй,
Тадзи виралӧ шогысла пыр?

Али гажтӧм нӧ чӧсмасьӧ тусьяснад?
Али сьӧктаммӧм енэжыс шог?
Нора шӧпкӧдчан кор-юрсигусьяснад,
Налӧн гожӧмсӧ гусявны — мог.

Быттьӧ вӧзйысян керкаӧ шонтысьны,
Аслад бипурыд — кӧдзалысь шом.
Йизьӧм синваа зэр найӧс ломтысьлы —
Ыпкысь сьӧлӧмлы — туналӧ пом.