МЕ ТІЯНЛЫ ВӦТАСИ


Олӧм — пуыс, а ме сылӧн сьӧмӧсыс,
Олӧм — юкмӧс, а ме — сыын ва,
Ме кӧ вӧтыс, то сійӧ нин — вемӧсыс,
Сійӧ би, а ме вуджӧр кодь са.

Вижов син пӧвнас наяна тӧлысьыс
Помтӧм чӧж туйсӧ югдӧдӧ дыр.
Менам доддьӧ нӧ коді сӧлысьыс?
Олӧм доддьӧй тай абу тыр.

Ыджыд кӧшсьыс со олӧмыс кисьтӧ
Сир сьӧд енэжас кодзула шуд.
Сӧмын мем тай кодзув оз письты,
Оз тай усь меным олӧмлӧн пуд.

Чӧж туй кузяыс ньӧжйӧник рӧдта,
Юрсӧ копыртӧ мудзӧмӧн вӧв.
Сӧмын ме дінӧ — тӧдса кӧть тӧдтӧм,
Олӧм кындзиыс некод эз сӧв.

Кӧшысь гылалӧ кодзув — ӧти да мӧд...
Тайӧ зэрсьыс сылі-кӧтаси.
Кадыс кольӧ, и менӧ вунӧдад, ӧд
Ме тіянлы сӧмын вӧтаси.