АРСЯ ЗЭР

1.
 
Енэжсянь войталӧ анделлӧн кӧдзыд синва.
Ми некор ог тӧдмалӧй, мый сійӧ — енэжыс.
Некор ог гӧгӧрвоӧй, мыйысь бӧрдӧ андел,
Да мыйла синваыс сэтшӧм дзирыд.

2.
 
Зэрысь позьӧ дзебсьыны.
Но ни ӧти воськов вылӧ
Он ылыстчы
Ен дінысь.

3.
 
Сэтшӧма кӧсъя, мед зэрмис.
И юаласны кӧ, мыйла ме сэтшӧм гажтӧм,
Позяс ыстысьны ар вылӧ.

4.
 
Эн скӧрмӧй зэрысь.
Кодлӧнкӧ олӧмын
Сійӧ медбӧръя.

5.
 
Кор кула,
Пӧра арся зэрӧ.
Колис сӧмын унджык синва чукӧртны.