ЯНСӦДЧӦМ


Мича чужӧм, дона синъяс,
Аддзысьламӧ ловйӧн кор?
Миян костӧ лоӧ ваяс,
Пемыд вӧръяс, гырысь шор.
Тэкӧд вӧлі долыд овны,
Гажӧн колис лун и вой.
Бурдӧдас-ӧ тэтӧг ӧні
Менсьым кодкӧ сьӧлӧм дой?
Тэкӧд вӧлі долыд, зарни,
Тэ мем сетін мелі кыв.
Ӧні ланьтас гажа сёрни,
Тэнсьыд гӧлӧс ог нин кыв!
Этатшӧма гӧлӧс шогсьӧ,
Кыдз нӧ колля туй помтӧ?
Аддзан, синва шорӧн киссьӧ —
Эн жӧ вунӧд менӧ тэ!
Пӧра воис янсӧдчыны,
Прӧсти, прӧсти! Муса друг?
Дзоньӧн видза тэныд овны,
Бур удж вылӧ сиа шуд.
Эн жӧ шогсьӧ, зарни синъяс,
Аддзысямӧ регыд ми!
Бара воас гажа лунъяс,
Ӧні меным тэ бур си.