СЮ


Яр шонді улын ӧтка шептӧн
Сю быдмӧ, дзоридзалӧ, кисьмӧ.
Мам ловшы-тӧвру мойдъяс шӧпкӧ,
И шоныд зэрыс йӧлӧн киссьӧ.

Зэв нэриник, но быдмас вылӧдз
Да ӧзъяс зарни шонді рӧмӧн;
И пӧльтчас коркӧ аръявылыс
Сӧдз зэръясыслӧн еджыд йӧлӧн,

А сэсся чарла улын усяс.
Сьӧд муӧ коляс шырӧм иддзыс,
Бур войтыр изас гырысь тусьяс,
А мыйкӧ кӧйдыс вылӧ видзас.

Ми сідзжӧ муысь вежӧн петам
И сӧвмам-быдмам ыджыд этшӧн,
Да быдтысьыслы лача сетам.
Но кадсӧ сетӧма тай этша:

Сёр тулыссянь да зарни арӧдз
Ми сӧмын олам иддза подлань,
Да, оз кӧ шерӧн висьӧм сярӧд,
Ёсь пиня чарла улын водам.