КАТЯ ОШЙЫСЬӦ


Челядьлы ошйысьӧ Катя:
Ёна пӧ радейта батьӧс.
Платтьӧ со мичаӧс вайис,
Морӧсас катшасин эм.
Алӧйгӧрд лентасӧ тайӧс
Батьӧ жӧ козьналіс мем.

Кымынкӧ лун коли сӧмын,
Бара нин ошйысьӧ ныв:
Мамӧс пӧ радейта ӧні,
Сылӧн пӧ медмелі кыв.
Аддзанныд, ковтасӧ тайӧс,
Мамукӧй талун на вайис.

Ошйысис нылукыс пӧся.
Медбӧрын кӧрыштліс ныр:
Бабӧкӧд сӧмын ог лӧсяв,
Чышкысьны кесйӧдлӧ пыр.