ВОШЙЫ-СИБӦДЧЫ, БАТЬӦ


Прӧстит, бать, коми пармалӧн пи, —
Кыйсян пищальыд вевттьысьӧ сімӧн.
Сійӧн талун ме ог кый ни ви,
Коркӧ вӧлі кӧть зэв стӧча инмӧ.

Прӧстит, бать, Сӧвет мулӧн салдат, —
Лазтӧ жытникын воз сёйны пондіс...
Кымын ылысмӧ торъялан кад,
Сымын ёнджыка сьӧлӧмӧс ёнтӧ.

Нитшка чӧс туяд ог нин ме кай,
Зверӧн-пӧткаӧн озыр кӧть ӧнӧдз.
Вошйы-сибӧдчы, батьӧ! И вай
Ӧти кӧшельысь куритчам пӧттӧдз.