ДЖОДЖДӦРА


Тэ, поэт, пӧ озыр кӧть и мортыд,
Киӧн кыӧм джодждӧра со гортад, —
Ӧти тӧдса кӧритыштіс тадзи,
Ковёр пыдди джодждӧра кор аддзис.


Он пӧ ю ни водка, ни гӧрд вина,
Ньӧбин эськӧ донаджык картина.
Быд пельӧсын куйлӧ сӧмын книга,
Эм-ӧ, шуӧ, кӧть ӧти сберкнижка?

Медбӧрти ме вочавидзи ёртлы:
«Шылльӧ-мылльӧ стенъясӧ ог ӧшлы...
Сизим рӧма джодждӧраыс гортын
Быттьӧ пӧчӧн кыӧм ӧшкамӧшка».