ШОНДІ БУС


Бобув

Менам ойлунын ичӧтик шонді.
Аслам анделӧн шуны ме понді.
Кутшӧм вуджӧрысь петавлӧ сійӧ.
Либӧ вӧтам и олӧ.
Лок киӧ.
Сылы сибавны сьӧлӧмӧ гажыс —
Воддза волӧмысь солькнитчӧм важас.

Лов

Еджыд тшынӧн енэж лӧзас кайӧ.
Разавлӧ ли лэччылӧ му сайӧ.
Йӧртны морӧс кудйӧ овлӧ сьӧкыд.
Талун кыскӧ кушмӧм пу вожъяслӧн
					сьӧдыс.
Руд корйӧн то ӧшйӧма чаль помас.
Тӧлӧн ӧні нетшыштас, и помась.

Сьӧлӧм

Вӧтам сьӧлӧмыд — шог лэбач.
Ӧтпыр пуксис ӧшинь дорӧ.
Ме ог гӧгӧрво — мый корӧ.
Сылы вӧзйи ассьым эбӧс.
Лэбис.
...Нӧштаысь на воліс.
Ӧні корис... сетны лолӧс?

Черань вез

Арся тӧлӧн нуӧ черань везсӧ.
Юрсигусьлӧн бордйыс кодь жӧ эзысь.
Шондісяньыс югнитлӧмыс сылӧн
Юрӧ коли вежа нига кылӧн.
Ӧнӧдз... сійӧс ас ног гижны кӧсъя.
Пола, кывбур везйыс артмас вӧсни.

Лэбач

Сувті ӧшинь югыдас тӧлыся войӧ.
Ӧтнам вӧлі гортын.
Бордйӧн — сойӧ.
И морӧс пытшкын нӧйтчис лэбач вына.
Ог кӧ талун,
Коркӧ
Сыысь мына.

Гожся лун

Гымая лунӧ
Шонді бусас суна.
Тан гӧрдыд брӧньдӧ юрыс...
Тӧзь да клотшкан турун.
Сибӧдла морӧс бердӧ
Пӧрт кӧв сера эрдсӧ.
Сувта кӧ кок чунь йылӧ —
Енэж лов шысӧ кыла.

Дзоридз

Быдмӧ чвет
Ловпыді жырйын.
Оз чусмыв мырдгӧрд дзоридз сырйыс.
Сы дінӧ югыд бобув волӧ.
Кӧдзӧны сьӧлӧм ӧта-мӧдлы лолӧ.
Ме кывза сэтчӧс олӧм горсӧ.
Дзоридзӧн чӧвтӧм видза корсӧ.

Пелысь

Сьӧлӧмӧй разаліс корйыскӧд.
Нетша пелысь розъяссӧ.
Сьӧлӧмӧн лоӧ мен тайӧ.
Содйӧдыс вотӧсла кая
Енэжас.

Кабала еджыдыс

Кабалаас пасйи йиджлысь нимсӧ.
Ӧкті ки тыр да эновті катшасинсӧ.
Видзӧдласӧс бара кыйис тӧнув.
Ыбӧс гурйыв восьса. Анделъясыс ӧтув
Пуксьӧмаӧсь ота пызан сайӧ.
Сутш кежлӧ и катӧдлісны райӧ.

Туй

Видзӧді лэбач бӧрся —
И роді сыысь.
А сійӧ шывксьӧдіс шонділань.
Лэбис ӧд ме пыр — сьӧлӧмӧс орӧдіс.
Сэт весьтас туйыс кӧ вӧлӧма.