* * *

Тэ он тӧд,
кытчӧ тайӧ туйыс?
Мен тэкӧд
орччӧн мунны шуис
коді?
Мынтӧдчыны колӧ.
Но мен оз эскы
весиг йӧла.

Тэ он тӧд,
кытчӧ тайӧ кадыс?
Мен тэкӧд мунны
кадлӧн вадъяс.
Быд здукӧ — сэтчань.
Пытшкам йирмӧг:
ӧд ӧтчыд...
тувччам помтӧм йирӧ.

Тэ он тӧд,
кытчӧ тайӧ луныс?
Вуджӧртас бобулӧн,
и ӧдйӧ вунас —
ми чайтам...
Но ӧд абу тадзи.
Став лунтӧ коркӧ
выльысь аддзан.

Тэ он тӧд,
кытчӧ тайӧ юыс?
Мен юсӧ сьӧлӧмӧн и юны.
И ваас видзӧдчыны,
быттьӧ лолӧ...
Ӧд мыйкӧ тӧдмавны
ас йылысь
татчӧ волі.

Тэ он тӧд,
кытчӧ тайӧ пуыс?
Ӧд сійӧ
енэжӧдз нин туис.
Но мыйла
колӧ вӧлі ме пыр...
Мед ловсьым
бӧрын нюкыльтны ен мегыр?