* * *

Ӧшиньӧ шарӧдчысь зэрлӧн кад,
Лӧня ыпъялысь востымлӧн кад,
Вӧрса бипурлӧн кад,
Пужъялӧм пуяслӧн кад.
Ва весьтӧ копыртчӧм пуяслӧн кад,
Бӧрдысь пуяслӧн кад,
Шонді вылас югъялысь пуяслӧн кад,
Тошсялӧм-ройсялӧм пуяслӧн кад,
Кад, кор пуяс копрасьӧны сӧмын йывнас
И кад, кор пуяс гылӧдӧны муас
				ассьыныс челядьсӧ.

Ме радейтлі дзирдалысь лымлысь,
Дзуртысь лымлысь,
Измӧм лымлысь,
Рӧшкыд лымлысь кадсӧ.
Ме тӧді:
Регыд локтас сійӧ кадыс,
Кор дзоридзалӧ ва.

Но тэ шуин:
Кор ме ог ло,
Ме кута овны тэнад кывбуръясын.
И ӧні менам эм сӧмын ӧти —
Кад —
Кор тэ мекӧд орччӧн...