ТУРУНВИЖ БОБУВМе восьті синмӧс, И кымын дзоридз мекӧд тшӧтш сэк восьтіс синсӧ. А турунвиж бобувсӧ эг и казяв Турун пӧвстсьыс — Сӧмын кор лэбзис... И кӧнкӧ эстӧн Кодкӧ ӧдва кывмӧн шуис: Тайӧс и корсян?.. Но мыйла, мыйла меысь Дзебӧны пыр сійӧс?.. Син рапнитігкості бобулыс вошис, а, гашкӧ, и эз вӧв. Но кымын лун кывтас син водзті бара, мед аддзывны дивӧ... Но ӧні кӧть тӧда: Ме олӧмын эм турунвиж бобув. И, дерт, сійӧ сёысь нин петкӧдчыліс, кӧнкӧ... Но мыйлакӧ ме сылы, эскан он, век лолі мышкӧн.
