* * *

Чардбиӧн чашкӧдӧм пучӧр костӧ
ланьтӧма рытъя шонді.
И меным колӧ сы пыр мунны,
Медым тӧдны,
Кытчӧ менам туйыс.

Черань лэчкӧ шедӧм бобувлӧн
			ем пом ыджда сьӧлӧмыс
чеччӧ.
И меным колӧ сы пыр мунны,
Медым тӧдны,
Кытчӧ менам туйыс.

Туйӧс кресталіс мӧд туйӧн тэнад радейтӧм.
И меным колӧ сы пыр мунны,
Медым тӧдны,
Кытчӧ менам туйыс.

И эм вын — кусӧм дзоридзьяс ловзьӧны...
И меным колӧ сы пыр мунны,
Медым тӧдны,
Кытчӧ менам туйыс.