ЛЯМПА КӦВТӦ ЗЭЛӦД

Воча воклы Г. М. Пономаревлы

Асывводзыс, Гриша,
Уль йӧв кодь жӧ скӧнь.
Мый тэ сэні гижан?
Кытӧні Кӧш Ӧнь?

Лямпа кӧвтӧ зэлӧд,
Тэрмась: виччӧ вӧр.
Тартӧ ваям вӧлӧн,
Куманым оз тӧр.

Таныд сэк Стап Анна
Воськовтны оз лэдз, — 
Шуас: «Шонді банӧй!
И эз ковмы лэч?»

А тэ вочавидзан:
«Мый нӧ сыысь мен?
Пищаль менам сидзӧ, — 
Кымын лэбач тэн?»

Лямпа кӧвтӧ зэлӧд,
Тэрмась: виччӧ вӧр.
Тартӧ ваям вӧлӧн,
Куманым оз тӧр!