БАРЕНЦЛӦН МОРЕ

Видзӧдан — син вейыд орӧ,
Век жӧ он судзӧд тэ пом — 
Сы пасьта Баренцлӧн море,
Гыяслӧн ызгӧм сэн том.

Гы вылас кыптылас вылӧ
Ичӧтик миян «Ямал»,
Винтыс сэк сынӧдас сьылӧ,
Ошкиг мӧд вӧтӧдысь шквал.

Море — орган сяма дзик жӧ:
Гы тэнӧ вевттьыны дась;
Шыбласьӧ сійӧ веж быгйӧн,
Кырымас кутіг став власть.

Ворсӧ и сьылӧ стихия,
Быттьӧнӧсь кыптӧм народ.
Ассьым дась паськӧдны кияс
Морелысь шыгыртны от!