МИЧА МАШ

Гӧра йылын джуджыд коз,
Гӧра йылын уна оз.
Би гӧрд оз, юмов оз, чӧскыд оз.
Машӧ сыӧн тыртӧ кӧла доз.

Чукйӧн Машлӧн тырис доз,
Локтӧ дзоридз ӧктігмоз.
Ачыс том и стройнӧй, кыдзи гум,
Ӧзйӧ сылӧн вом дорас пӧсь нюм.

Сылы паныд, — шензян он! — 
Локтӧ кудриа том зон:
— Мича Маш, муса Маш, дона Маш,
Тэтӧг менам дзикӧдз бырис гаж.

Дозъяс нывлӧн уна оз, — 
Кыдз нӧ зонмыс бӧр оз кос!
Босьтіс сійӧ нывлысь кӧла доз,
Мӧдӧдчисны сёйны чӧскыд оз.

Гӧра йылын джуджыд коз,
Гӧра йылын уна оз — 
Би гӧрд оз, юмов оз, чӧскыд оз,
Колӧ кужны вотны Машӧ моз!