ОЛӦМ ЧУЖТЫСЬЯСЛЫ

Гажтӧм мужик юртӧг керка.
Шудтӧм ӧтка ань.
Пӧтка шыд ни чӧскыд чери.
Ёртыс сылӧн кань.

Но, а зон кӧ ӧтка коляс,
Вошӧ олан сям.
Дзикӧдз усьӧмысьсӧ видзас,
Ловъя на кӧ, мам.

Ки пӧла кодь сэки сійӧ.
Керка шуштӧм, чӧв.
Енмӧн шулӧма кӧ, дерт жӧ,
Колӧ сылы пӧв.

Комияслӧн весиг Енмыс
Вӧвлӧм Зарни Ань.
Олӧм кутысь, милӧсть сетысь,
Сьӧлӧма да шань.

Мед жӧ быд ань лоас зарни —
Олӧм чужтысь морт.
Мусаяслы, верӧсъяслы
Медся дона ёрт!