ШОЙНАЯГЫН

Менам ӧттшӧтшъяяс, ёртъяс
Кыз му улынӧсь нин важӧн.
Водӧма кӧть эськӧ гортйӧ,
Да ӧд сэні абу гажа.

Сэні абу враг ни, ёрт ни.
Некодкӧд сэн он и вензьы,
Ёртасьны ни, пинясьны ни...
Эн на лолӧс босьтӧй менсьым!

Некод ӧчередь оз сулав,
Водзвыв кабала оз корны.
Чина, чинтӧм — сідз жӧ кулан.
Нинӧм олӧмсӧ и ёрны.

Югыд шонді чужан муӧ
Ӧні частӧджык нин дзоргӧ.
— Майбыр, олӧм! — бара шуа. —
Олӧй! Кулам ставным коркӧ.