КӦН ТЭ СЬЫЛАН, СОЛОВЕЙ?

Вӧр да вӧр — 
Помтӧм вӧр,
Коми му пасьта — сьӧд вӧр.
Но ме гажа нӧрыс йылысь,
Кысянь ставсӧ аддзан ылысь,
Кыла мича сьыланкыв.
О-о, э-эй,
Кӧн тэ сьылан, соловей?
Татчӧ лок да мича шынад
Гажӧд рытъя, лӧньӧм сынӧд.
О-о, э-эй,
Сьылышт йӧзлы, соловей!

Вӧр да вӧр — 
Помтӧм вӧр,
Коми му пасьта — сьӧд вӧр.
Сэн-ӧ мортлы кокни овны?
Но оз шогсьы миян ловным, — 
Гажыс ывлаас оз тӧр.
О-о, э-эй,
Кӧн тэ сьылан, соловей?
Татчӧ лок да мича шынад
Гажӧд рытъя, лӧньӧм сынӧд.
О-о, э-эй, 
Сьылышт йӧзлы, соловей!

Вӧр да вӧр — 
Помтӧм вӧр,
Коми му пасьта — сьӧд вӧр.
Но сэн уджын пуӧ томлун,
Олӧ ыджыд шуд быд домын,
Зарни копрӧдлӧ быд йӧр.
О-о, э-эй,
Кӧн тэ сьылан, соловей?
Татчӧ лок да мича шынад
Гажӧд рытъя, лӧньӧм сынӧд.
О-о, э-эй,
Сьылышт йӧзлы, соловей!