* * *

Мыйла мекӧд паныдасин выльысь?
Мыйла сэтшӧм сёрнитін тэ дыр?
Менӧ ӧд эн радейтлыв тэ збыльысь,
Шутка ради сӧмын ворсін пыр.

Вунлін нин тэ менам и эг помнит,
И вот бара морӧс пытшкын дой.
Муслунлӧн век олӧ аслас томлун,
И оз тӧдлыв некодыр покой.

Бара талун пемыд вой оз узьсьы,
Бара тэӧн вежӧр менам тыр.
Но он лок тай, орччӧн тэ он пуксьы,
И ме бара ыджыд шогӧн тыр.

Мыйла мекӧд паныдасин выльысь?
Мыйла сэтшӧм сёрнитін тэ дыр?
Менӧ ӧд эн радейтлыв тэ збыльысь,
Шутка ради сӧмын ворсін пыр.