ВУНӦДЧӦМВокӧ, дыр-ӧ шомман, шузян? Дыр-ӧ вӧтасян да узян?.. Ой, тэ он узь; нюжӧдчин Лабич вылад, куньмысьт син, Мед он аддзы тэ сьӧд жыртӧ, Да сьӧд питӧ — няйтӧсь ныртӧ, Да сьӧд роталь-гӧтыртӧ, Код ӧтторъя петӧ, пырӧ, Вийсьӧ, сімӧ, косьмӧ, бырӧ, Ен тӧдӧ кор ойбыртӧ… Ой, и сэк кӧть куньсьыны, Синъяс шогтӧ аддзӧны! Ок тэ, шоганӧй! Тэ, тӧдан, Мыйӧнкӧ син тупкин мӧдӧн… Ог шу, дукӧсӧн тай! Сідз Ловтӧ кӧчӧс моз он видз Шогысь! Дукӧстӧ тэ нуин Матыс кабакӧ да юин… Со и куйлан, пуктӧмыд Китӧ кымӧс вылад ачыд, Кодыр оз на гӧтырыд Чужӧмад пеж роснас швачӧд!
