* * *

Оз шу нин миянлы кыв Егова,
Мукӧдлы сиӧма мувыв и ва;
Коркӧ и воас на, гашкӧ, мессия;
Ерусалимӧс, дерт, оз су нин сія.
Зэв немӧстуйтӧм Израильлӧн ним;
Му вылын гортас моз ӧтнас тай Рим.
Ерусалимын патриций, код Римын плебей!
Мывкыдтӧм лоис и сертӧм еврей,
Ло сійӧ мӧс видзысь, ло архирей.
Шабашъяс тӧдысьӧс, авъяӧс, рамӧс
Кыскаліс ас пытшкӧ гуяс пыр ад;
Вунӧдіс ен Исаакӧс, Иаковӧс и Авраамӧс!
Воны мессиялы матыстчис кад.
Некытчӧ воны!