* * *

Ӧні сӧмын ті! Ме ог!
Гажӧдчӧ ті, сьылӧ!
А ме ылӧ, ылӧ…
Чӧв олыштам ме да шог,
Ог пет югыд вылӧ
И ог петкӧд ме сьӧд пас
Кымӧс вылын, долыдъяс
Мед оз шенны… Кыдзи Каин,
Дзебся кызджык стынъяс сайын,
Мед оз кыв и сэтчӧ долыд гор,
Да и сэтысь ойзӧм. Бурасьны мед аскӧд,
Торйӧдчыла мукӧдъяскӧд…
Ачым артала: ой, енмӧй, кор
Тайӧ сьӧкыд кадыс мунас?
Кодыр важ лёк вушъяс, вунас?
Гаж вӧсна ме эг на воштлы кӧр;
Кодыр гажӧдчан вын воас бӧр?
Сідз тай бур морт важ грек поплы нулас,
Кодыр лун-мӧд ёна видзалас;
Кыа петігӧн на коймӧдас
Выль гректор нин бур мортӧс тай сулас!