МИЯН ДЕДЪЯС


«Менам дедӧй вӧлі збой,
Повтӧм пограничник,
Рӧдиналысь лун и вой
Граничасӧ видзис».

«Менам дедӧй — смел танкист»,—
Игорь шуӧ тшапа.
«Менам дед — артиллерист»,—
Ошйысьыштіс Капа.

Сашлӧн дедыс дзик нин дзор,
Сійӧ — вӧвлӧм лётчик.
Кодкӧ-й — вӧвлӧм сюсь сапёр,
Снайпер, пулемётчик.

Кодӧс мыйӧн кӧть эн шу,
Коді кутшӧм грездысь,—
Быдӧн дорйис Сӧвет му,
Рӧдинаӧс мездіс.

Быдӧн пуктіс ассьыс пай
Врагӧс вермӧм вылӧ.
Нэм оз вун победнӧй май —
Сылӧн юргӧм кылӧ.