РЫТЪЯ ӦТКА НЫВКАЛӦН


Лэбзьӧ гӧрд рытъя кыа.
Лӧнь сынӧд оньтӧ дэб.
Вой улӧ лӧнис ывла
Оз дуав весиг геб.

Вӧр вежӧс гӧгрӧс тӧлысь
Шпынь мыччис кельыд бан.
Сӧдз ю дор керка-сь петіс,
Том Анись, кӧр кодь рам.

Зэв пелька вӧрӧ кокъяс.
Лым еджыд яйвыв эж.
Лӧз енэж рӧма синъяс...
Быд зонлӧн петас веж.

Веж дзоридз пӧвстӧ ӧткӧн
Ю кырйӧ пуксис ныв.
Зэв мыла вӧр-ва горӧн, —
Сэн босьтіс сьыланкыв.

Рыт йӧла койис ылӧ,
Ныв нимӧн юргис гор.
Сэн ӧтка олӧм сьылӧ
Том Анись ӧткӧн нор.

Кор кыа серыс сайис,
Кор нюдзмис турун йыв,
Сэсь гортлань шытӧг вешйис
Тӧв ру моз сьылысь ныв.