ВОДЗӦ ВЫЛӦ ЭСКӦМ

Воас кад — сэк бырӧ лёксьӧм, —
		Бура кутасны йӧз овны,
Югыд, тӧдӧм, мездлун корсьӧм
		Налы кутас сэки ковны.
Весиг некӧн пурсьӧм оз ло,
		Тышъяс, лӧгалӧмъяс вунӧ,
Ошйысянтор сэкся йӧзлӧн
		Кутас чинны лунысь лунӧ.
Нималантор мӧд нин лоӧ:
		Йӧзлы ыджыд буртор керӧм.
Шогсьӧм пыдди радлун воӧ,
		Бырӧ ӧта-мӧдӧс ёрӧм.
Паськыд ыбын, бур му вылын
		Петас мича, дона кӧдза,
Кыпыд лолӧн, гажа сьылан
		Кутас сьывны мездмӧм кӧдзысь.