* * *

Шульсйы, коса-й! Тракнит киӧс!
Ньӧжйӧникӧн руньгӧ ру —
Лысва усьӧ: небзьӧ турун...
Ылын кылӧ: «Ужын пу!»

Лунтыр ытшким, косным мудзис —
Турун чорыд, лун кӧ жар.
Мый нӧ керан! Страдна сьӧкыд...
Рытын долыд! Сьӧлӧм йӧктӧ яр!

Видзьяс вылын пемыд руньгӧ.
Мудзис ытшкысьяслӧн ки...
Гӧгӧр быдсӧн ланьтӧм. Ылын
Ӧдва ловъя дзузгӧ би.

Тракнит медбӧръяысь, коса-й!
Вольсав турун — небыд шӧвк.
Бертовт вынтӧ, мудзӧм киӧй,
Медбӧръяысь, сӧтышт, ӧвт!