ДЗОДЗӦГМича дзодзӧг, зарни дзодзӧг, Кытчӧ нӧ тэ лэбзян? Гашкӧ, тэныд тані гажтӧм? Кӧдзыдысь тэ дзебсян? Гашкӧ, кодкӧ татысь вӧтлӧ Аслад гажа муад? Гашкӧ, шогсӧ коми йӧзлысь Сьӧрсьыд сэтчӧ нуан? Эн-ӧ лэбӧдлы тэ татчӧ Шудсӧ ылі муысь — Этша дудалӧма чассьӧ Ӧні бӧр нин нуан? Мича дзодзӧг, зарни дзодзӧг, Шлывган вывті вылі, Он кыв менсьым ичӧт гӧлӧс, Он видзӧдлы вылам. Мича пӧтка лэбзьӧ водзӧ... Кымӧр пӧвстӧ дзебсис. Небесаяс вывті дзодзӧг Ылі муӧ лэбзис.
