ВЕЛӦДЧЫСЬЛЫИчӧт пиӧй, кытчӧ мунан? Велӧдчыны, муса вок? Лыддьы, велӧд нига уна, Чожа кыскав нига ноп! Велӧдчӧмӧн быдтор шедас. Нига сетас мывкыд, ум... Паськӧм — киссьӧм. Жальыд петас. Нӧшта урок мед оз вун! Тӧда, радейтан тэ школа, Мед тэ кынман, мед тэ тшыг — Велӧдчӧмӧн долыд олӧм Гӧльлы петас регыдджык. Гӧльыд перйис аслыс ӧні Велӧдчыны мунан туй. Чожа котӧрт велӧдчыны — Школа сетас бур морттуй. Велӧдчӧй жӧ, муса вокъяс! Нига лыддьӧй вой и лун, Вунӧдӧй ті сэки шогъяс, Пальӧдӧй ті чӧскыд ун!
