ПОЗИЦИЯ ВЫЛЫН


Петав, петав, югыд шонді,
Кымӧр улысь петав!
Измӧм сьӧлӧм йӧзлысь шонты,
Гажсӧ разӧд, сетав.

Ыбын, лудйын, каръяс шӧрын
Киссьӧ йӧзлӧн вирыс;
Мортлӧн шойяс пемыд вӧрын
Туплясьӧны тырыс.

Асывводзсянь пемыд рытӧдз
Лӧвтӧм мортлӧн кылӧ.
Пуяс весьтын кырныш чукӧр
Курксӧны сы вылын.

Зэрӧ. Кӧдзыд. Рыт нин воис.
Эз пет югыд шонді.
Снаряд торйӧн доймӧм мортлӧн
Олӧм кусны пондіс.

Кӧрт туй пӧлӧн, гуяс вылын
Сулалӧны крестъяс.
Петіс шонді рытыввылӧ, —
Вижӧдісны крестъяс.