ТУЛЫСЫН


Тулысын войясыд югыдӧсь,
Асывнас ыркыд кодь, лӧнь зэв.
Сывтыръя луннас
Дзирдалӧ шонді.
Рытъяснас мӧс вӧра улльӧв кодь
Тӧв руӧн тӧкӧтьӧ пӧльыштӧ.

	Ворсӧны челядьяс,
	Дзольгӧны лэбачьяс.
	Пуръяяс кывтӧны.
	Сьылӧны зонъяс.

Ланьтӧма ывлаыс.
Дзоридзьяс шонділы
Дзоргӧны синмас.
Чӧскыда узьӧны турунъяс.
Розъялӧ сю.
Ланьтӧма ывлаыс.
Быттьӧкӧ вежадыр,
Быттьӧкӧ кывзысьӧ.
Вӧтасьӧ...

	...Нюмъялӧ ывлаыс,
	Сералӧ вак-вакӧн...
	Меліа ме вылӧ видзӧдӧ...
	Шы ни тӧв. Лӧнь.
	Шондіа. Пӧжӧ.
	Пӧсь.