ПИЛӦН ПИПаччӧр вылын, шӧрас, Паччӧр лабич бӧрас Код нӧ, код нӧ дзӧрӧ? Дзӧрӧ пӧрысь пӧль, Пӧрысь пӧль зэв гӧль. Шӧрас паччӧр вылын Мӧд на кодкӧ кылӧ. Сэні олӧ-вылӧ Дзормӧм сера кань, Сера кань — зэв шань. Тӧв шӧр ӧшинь улын, Пурга стенъяс нюлӧ. Пӧльлӧн пиян кулӧм, — Ловъя пилӧн пи, Сьӧлӧм сылӧн — би. Быдмӧ войын-лунын. Сюсь зэв, тӧдӧ уна... Медводзвылын мунӧ... Мый нӧ кӧть и нэр — Медбур пионер! Паччӧр ӧшинь. Гыӧр. Ывла-н том йӧз гыӧ. Пӧльлы оз кыв шыыс — Пӧльыд пӧрысь нин, Оз нин аддзы син! Пӧльлӧн важыс бӧрын, Тшем сук парма вӧрын, Пӧсь да синва йӧрын. Ружтӧ тшыглун, шог — Гӧльлӧн чой да вок. Мый жӧ водзын сылӧн?.. Гу да горт нин кылӧ? Юрсӧ лэптіс вылӧ Пӧрысь коми морт — Пырис ичӧт ёрт! Ёсь гӧлӧс кор кыліс, Ӧшинь гыӧр сыліс. Шуис пӧльыд сылы: «Тэ вай талун мойд — Выль олӧмӧ сойт!» Некодныс оз мойдны... Нимкодясис шойччиг Пионернас войбыд. Мойдӧ сӧмын кань — Паччӧр видзысь ань.
