БАРА НИН...


Бара нин лым сылі.
Лым сылі, йи кывтіс.
Косьмис нин лым увса му.
Кымынысь, кымынысь
Нӧрыс бок рас вылын
Ловзьыліс, садьмыліс пу!

Пӧткаяс локтасны,
Пӧткаяс дзользясны,
Пӧткаяс шлывгасны бӧр.
Сьӧд парма ловзьылас,
Сьӧд парма шувгылас,
Бӧр ланьтас сьӧд парма вӧр.

Парматі мунӧны...
Кодъяс нӧ мунӧны?
Ставным ми мунамӧ сэт!..
Дзользьӧй ті, пӧткаяс!
Дзордзалӧй, дзоридзьяс, —
Тулысыс нюжалас мед!