ВЕКНЬЫДИК ТУЙ КУЗЯ


	Векньыдик туй кузя
	Тэ ордӧ волывлі.
	Вӧр пӧвстті мунігӧн
	Гажаджык лолывлі,
Тэ йылысь мӧвпалі кор...
Некодӧс сэки эг ёр.
	Полігтыр юасьлі
	Олӧмтӧ-вылӧмтӧ —
	Эг лысьтлы юавны
	Сьӧлӧмлысь кылӧмтӧ,
Эг лысьтлы висьтавны тэд
Сьӧлӧмлысь доймӧмсӧ ме.
...........................................
		
	Зэв паськыд туй кузя
	Тэ дінӧ пыравлӧ
	Мӧд, вӧлӧм, тшӧкыда,
	Дыр кежлӧ ылавлӧ...
Висьталін сы йылысь — бур...
Быттьӧкӧ кырыштіс пурт.
	Векньыдик ордымӧс
	Лысъясӧн тыртла ме,
	Нюр вылысь моздорӧн
	Васӧд нитш пыртла ме,
Вольсала... Мʼоз тӧдчы туй —
Югнитӧм шудлунлӧн шуй.
	Нэм ме ог видзӧдлы
	Туй бокса кыр вылас.
	Ёра и изала
	Мед сэні пыр вӧлі
Кымӧра сьӧд пемыд вой...
Сьӧлӧмын зэв ыджыд дой.