СУК ПАРМАЛЫ


Кырссьӧ олӧмыдлӧн вӧлыс
Тёпкан вомӧн, шыбӧль дор.
Доддьӧ чиктылігтыр сӧлам,
Асъя шонді син оз ёр.
Со тай мукӧддырйи морттӧ
Шыбӧльӧ ляскӧбтас шляч,
Тёпкан шерддьыштлывлас ортсӧ —
Шегйӧс моз печиктас нач.
Мортыд сійӧ винёв рӧдысь —
Чеччас бӧр, гыжъяліг бок,
Сӧлас тройка доддьӧ мӧдысь,
Водзӧ пызйӧ вӧвлӧн кок.
Рӧдта тешкодь сяма вӧлӧн.
Уна воліс сикт и кар.
Лэбзьӧ вӧв лым кузя тӧлын,
Руньгӧ няйтӧд, кодыр ар.
Помтӧг гургӧ войвывлань.
Со и Горькӧй кар весьт муна.
Карыс лоӧм ыджыд, шань.
Гажа кар тӧд вылӧ вайӧ
Максим Горькӧйлысь сӧдз гор...
Но ӧд сӧмын ӧмӧй тайӧ?
Вошъяс уна мукӧдтор.
Тувсов серамбана асыв,
Парма шувгӧм, пурга, лым,
Корлӧн кышакылӧм расын,
Мортлӧн сьӧлӧмкылӧм пым.
Мӧвпъяс визъялӧны тырыс.
Пуӧ сьӧлӧм и юр вем...
Парма шувгӧ... гаж нин бырис...
Менам сідзи-й кольӧ нэм.