ЧЕЧЧА СЬЫЛІГТЫР


Чечча сьылігтыр,
Лун-лун сьыла пыр.
Дженьыд сьыланкылӧй,
Тадз ме сьыла:
	Били-били, бом!
	Сьыланкывлы пом.
	Били-били, бом!
	Сьыланкывлы пом.
Еджыд уска кань
Мелі да и шань,
Мекӧд ӧттшӧтш сьылӧ
Татшӧм сьылан:
	Няв-няв, кур-кур-кур!
	Сьыланкывйӧй бур.
	Няв-няв, кур-кур-кур!
	Сьыланкывйӧй бур.
Пышкай садьмис важӧн,
Ставсӧ тыртӧ гажӧн.
Ывлавывсянь сьылӧм
Татшӧм кылӧ:
	Чив-чив, чик-чирик!
	Сьылӧй ме моз дзик!
Орччӧн пуксям, эк!
Куимнанным сэк,
Ӧтвылысь ми сьылам
Татшӧм сьылӧм:
	Чив-чив, няв-няв, бом!
	Сьыланкывлы пом.