* * *

Арся войыс пемыд, пемыд...
Дженьыд мортлӧн олан нэмыс.
Но ӧд эмӧсь югыд лунъяс,
Коді некор дзик оз вунлы.

Тэ со — сійӧ югыд луныс,
Тэ ӧд югыд лунсӧ сетін.
Бара тэ дінӧ ме муна,
Бара паныд меным петан.

Меліа окыштан менӧ...
Лэччас му вылӧ сэк енэж.
Сэтӧн... сӧстӧм ангел ачыд.
Тэкӧд ӧттшӧтш вылӧ качам.

Ылӧ зэв космосӧ лэбзям,
Югыд кымӧр пӧвстӧ дзебсям.
Муслун чукъя лоас сэтӧн...
Сэтшӧм уна... синва-й петӧ.