ОЗ ЛОК УНМӦЙ


Оз лок унмӧй и оз узьсьы менам.
Сӧмын пӧтӧлӧк да пемыд стен ӧд —
Сэсся менам жырйын абу нинӧм.
Жугыльлун ӧд менӧ личкӧ-синӧ.

Тэ кӧ вӧлін эськӧн, дона-й мекӧд,
Гажыс эськӧн мыйта вӧлі сэки!
Эськӧн вӧлі гӧгӧр быдсӧн югыд.
Некутшӧм эз босьт сэк менӧ жугыль.

Сэки эськӧн тэнад зарни синмыд
Менам синмӧ мелі биӧн инмис...
И ме пӧри кызь арӧса зонмӧ,
Вир-яйӧй и лолӧй эськӧн ёнмис.

Эськӧ ломзис кодзув кӧдзыд стенам,
Югдіс пемыд пӧтӧлӧкӧй менам,
А тэ вӧлін шонді кодь жӧ дзирыд.
Нимкодясис эськӧ сэк став мирыс.