ГУТ


Муртса на шондіыс петіс,
Ӧшиньӧ виж югӧр швачкӧ.
Видзӧдлі — кык ӧшинь костын
Садьмӧма гут.
Ичӧтик, чочкӧм зэв.
Пукалӧ ӧшинь тас вылын.
Бӧр кокнас бордъяссӧ лӧсьӧдлӧ,
Водз кокнас чужӧмсӧ мыськӧ.
Мичаа вӧччӧма:
Буракӧ кытчӧкӧ мӧдӧ.
Гашкӧ и войпукны,
Гашкӧ и вадорӧ гуляйтны,
Код тӧдас, колӧкӧ, йӧктыны клубӧ...
— Энлы коль, ӧтлаын мунам!
Менӧ тшӧтш йӧктыныс велӧд!..
Ме вылӧ видзӧдліс,
— Дзиз, — кылӧ, лэбзис,
Ӧкӧнча розьӧд и пышйис.
Эз ӧд и босьт менӧ мокасьтыд:
Ӧтнасӧн муніс.