«ПАТЕРЩИКЪЯС»


Ягын, менам
керка дорын
патерщикъяс эмӧсь:
	сьӧд кыр — дӧвеч,
	пеган катша,
	сэсся пышкай гозъя…
Кыр — пыр дорччӧ,
нырнас колскӧ —
пучӧйясӧс корсьӧ.
	Катша китшсьӧ,
	удж оз тӧдлы,
	вечмасьӧ да вӧйпсьӧ.
Пышкай гозъя,
быттьӧ кизьяс,
лэбалӧны — гизь-гизь…
	Эм на ещӧ
	ӧти олысь,
	сӧмын сійӧ
	ёна полысь,
		весиг некор
		он и аддзыв
		асьсӧ синмӧн — вӧй.
Сӧмын асыв,
выль лым вылын,
сылӧн кок туй
керка гӧгӧр —
табъя сера вӧнь…
	Олан дырйыс
	муса гӧсьтлӧн,
	тыдалӧ тай, вой.