19-ӦД ВО«Ыджыд висьт» гижӧдлы бурсиӧм


Бара тэ сувтін мем син водзӧ,
Сюрс ӧкмыссё дас ӧкмысӧд воӧй! —
Кенясьӧм дойясыс сьӧлӧмлӧн,
Джуджыд, вируля дойясыс
Морӧсысь воссисны бӧр…

	Локтӧны син водзӧ вуджӧрныс
	Ӧтвылысь вермасьысь-тышлайтчысь
	Вунлытӧм ёртъяслӧн ортныс...

Уна нин на пӧвстысь эз лоны:
Усины… Куліны, бырины,
Эз аддзывны мездлунъя олӧмсӧ,
Мый вӧсна пуктісны ловнысӧ…

	Сӧмын нӧ ортъясныс налӧн
	Миян пӧвст лэбалӧ ловъя;
	Лэбалӧ — ызйӧдӧ, водзӧ пыр кӧсйӧдӧ,
	Нӧшта на гырысьӧ, удж вылӧ кесйӧдӧ…