ЮКМӦСӦ
(«1919-ӧд» нима поэмаысь чуктӧд)

												...Лолӧй,
											Пукышт мекӧд тавой!
												Сьӧлӧмӧй,
												Кутышт лолӧс! — 
											Казьтыштам, мый лолі
												Тайӧ лун-войӧ
												Дас ӧкмысӧд воӧ
											(Поэмаӧ пыртас кывъяс).
................................

Пыдӧ кынмис му,
Кыза йизис ю...
	Юкмӧс,
		Кытчӧ
Некутшӧм чер пу
	Оз судз!
	Пыридз...
Жугласьӧ вирӧдз
Йи дорӧ чунь рӧч...
................................

Лэччӧдіс «ваӧн!»
	Белӧй конвой
Кӧдзыд кын кумысь
	Морт дас вита чукӧр...
(Эз вӧв енэжын чукыр — 
	Сулаліс дон
	Кодзула вой...)
— Кералӧй йӧрдан, — 
	Горӧдіс полкан. — 
Татчӧ ми тіянӧс,
	Гӧрдъясӧс, йӧртам!..
Чездалӧ, печласьӧ сынӧд...
Пезьдалӧ пищаль затвор...
	Жугласьӧ вирӧдз
	Йи дорӧ чунь рӧч...
Воссис «ыызз»!
	Пемыд йи вор...
Полканлӧн став
Пасьтӧм войтырӧс
Штык йылӧн чуняліг
Ры дорӧ зырӧ...
	Эз сетчы пежавны асьсӧ
Ёсь йыла кӧртӧн
	Славнӧй ёрт
	Петыр Степан:
Эз горӧд «ой»!
Вӧзйис сьӧлӧмсьыс сӧмын
Ёрччыштіс... «на, босьтӧй!..»
	Да медвойдӧр
	Суныштіс ваӧ...
(Эз кыв и челядьлӧн,
	Гӧтырлӧн «ой»
Тӧдліс тай сӧмын
	Январса кодзула вой.)