* * *

Ме аддза, тэ мунан, и восьласыд зумыд:
Эн велав тэ видзӧдны бӧрӧ.
И гажтӧмчӧ кок туйсьыд ветлытӧм туйыд,
И виччысьӧ кыйтӧм на зверыд.

И кевмысьӧ мусаыд, бисӧ оз кусӧд.
Но сы дорӧ дырсӧ он кольччы:
Он радейт, кор вежӧрыд вевттьысьӧ бусӧн — 
Тэ олӧмсьыс некор он шойччы.

Кок пыдӧстӧ нюлас да окалас туйыс
И ме моз жӧ, саялас вӧрӧ.
И лов шыӧс вомдорсьыд тӧвруыс нуас:
Эн велав тэ видзӧдны бӧрӧ.