* * *

Тэ помнитан, кыдз торйӧдчим ми тэкӧд?
Ми кӧсйысим, мый паныдасям регыд.
А туйыс водзад вӧлі сэтшӧм паськыд…
А йӧзыс водзын лолыд сэтшӧм пасьтӧм…

Тэ ачыд шоныд сывйысь мунны бӧрйин,
Мед юны шудсӧ-шогсӧ мекӧд шӧрйӧн,
Мед тӧдны аслыд, мый ме важӧн тӧда.
И локны коркӧ ме ордӧ дзик мӧдӧн.

Тэ мукӧддырйи сывйӧс менсьым казьты,
И оз ло сэки туйыд сэтшӧм паськыд.
Тэ локтан коркӧ. Локтан дзик нин мӧдӧн,
Но важ моз тэнӧ радейтны ме мӧда.