НИМТЫСЬӦМ

Нимтысьнытӧ коми сиктад
Быдӧн кужӧ.
Ним сетӧны мортлы
Сэк, кор чужӧ.

Овлӧ, потанас на
Нимтӧм инас,
Ошйысьӧ нин Васьӧ
Чужӧм пинас.

Эз и юав гӧтырыслысь,
Коді —
Ныв ли, пи ли —
Семья пытшкас содіс.

Нимсӧ Петыр
Сиктсӧветын сетіс.
Сэсся гортас
Вина дозйӧн петіс.

Но пӧ, гӧтыр,
Аттьӧ чужтӧм письыд.
Мед оз кӧвъясь сылы
Немся висьӧм.

Мед нӧ водзӧ сӧвмӧ
Олӧм миян.
Чолӧмала тэнӧ
Петыр пиӧн!

Сэтшӧм мича ныв пӧ
Чужис, верӧс.
Сэсся мисьтӧм кывйӧн
Васьӧс нерис.

Бара Васьӧ
Сиктсӧветлань тӧвзис.
Паладь — выльысь гижисны,
Мед ӧвсис.

Петыр-Паладь
Ӧні сиктын олӧ.
Он кӧ эскӧй,
Ягвыв сиктӧ волӧй.