ЗАВЕЩАННЬӦ

Кор ме кула, дзебӧй менӧ
Украина муӧ,
Помтӧм-дортӧм степ выв шӧрӧ
Кодйӧй менсьым гуӧс.
Медым куйла нӧрыс вылын,
Паськыд Днепр ю дорын,
Медым кылас пӧрысь юлӧн
Гынас увгӧм горыс.
А кор Украина муысь
Враглӧн пеж вир лэччас —
Кывтас паськыд Днепр ю кузя,
Сэки гуысь чечча.
Сувта да енэжсӧ судза,
Юрбитышта... Ӧні
Менам некутшӧм ен абу,
Ог тӧд, сійӧ кӧні.
Дзебӧй, асьныд сувтӧй-чеччӧй,
Чепъяс пуз-паз вӧчӧй,
Врагъяслысь сьӧд вирсӧ резӧй,
Югыд вӧля кӧдзӧй.
Сэки ыджыд семьяаныд —
(Мездлун лоас сэні)
Эн вунӧдӧй — бура-лӧня
Тшӧтш казьтыштлӧй менӧ.