* * *

Юлань ньывкӧсӧн пласьт куйлӧ видз,
Кӧні гажмылан коддзӧдан суртӧг.
Кокни паськӧма аньяслысь мич
Азым синъясӧн сьӧлӧмӧ курта.

Нывлӧн кӧса моз гы бӧрся гы
Визьӧн куйлӧны кос турун лёдзьяс.
Гӧгӧр пельястӧ чунӧдан шы,
Вӧр-ва югъялӧ яр шонді водзас.

Эстӧн чӧвтысьяс. Кывлӧ ёсь мат.
Яра гӧрдлӧны юр кыскысь вӧвъяс.
Зорӧд пиньясыс, со, вит-ӧ-квайт,
Быттьӧ морӧсӧ сатшкысьӧм ньӧвъяс.

Ывла ымралӧ. Енэжыс сӧдз.
Ставӧн видз вылын — верстьӧ и томъяс.
Кильчӧ пос вылас пукалӧ пӧч,
Шонді югӧрсӧ няклялӧ вомас.